اخدم يا التاعس ل اناعس

لمغرب يبق غريب
لا صاحب لا حبيب
يضيع فعز اشبابو
يهرم وشيب
ديما منعوت ك اديب
واعدناهم وقت اشدا واضيق
ما رجعنا ف كلامنا
ردوها ب اشوها واتعليق
ونساوا ايامنا
كتبو ف سوار لقريا ولمدينا
كلام اسفاها ولحكرا
و للي ما يرضينا
حرتنا لبلاد
نقيناها من حجر أوتاد
صهرنا ليالي...
ما تمتعنا ف اعياد
شلا تمارا بلا فايدا
غير لكلام لحاد
ب ضحكتهم اصفرا لا اتيق
وكون عل بال
من لعقول اجافا وكزرة لفيال
عشرتهم مرا ومرافقتهم حيال
ما يعرف خصايلهم
غير للي تاه وجال
خودها قصيدا ولا بريا
مني ليك يا فاهم
توصلها أملي فيك
وعليك عوال
وللي جاي ف اطريق
لا تسول لا تسال
حسن الضريسي الباز